مراجعة اجهزة الجوكر فوريفر الجديد جوكر 2020 و اكس ماكس
اولا. المميزات :
سيرفر الفوريفر طبعا 😃
السيرفر ممتاز جداا علي الباقات الي فاتحها وخاصة باقة او اس ان
تمت تجربته علي "نايل سات واموس واوربي و استرا 19" فوق الممتاز بصراحة ومش هتحتاج معاه سيسيكام زيادة
2. معاك سيرفر شيرينج زيادة سنة اورانج شير
السيرفر ملوش لازمة تقريبا بما انه الفوريفر موجود ولكن موجود لو حصل اي حاجة للفوريفر
3. الابولو رغم انه جاي شهر واحد بس قنوات بي ان ممتازة عليه وفيه ميزة حلوة انك بتغير الجودة براحتك او تخليها اوتو ويشتغل هو علي سرعة النت عندك
جميل في السيرفر برده انه مفيهوش اي شعارات زيادة سواء بي ان كونكت او مصدر القنوات.
4. الجهاز وايفاي خارجي و اتنين usb " ايوة ميزة والله 😃 لانه الداخلي ده ضحك علي الناس عموما وبيخسرك مخرج usb وفي بعض الاجهزة مش بتقبل انتنة خارجية لو الداخلي باظ "
فعليا مفيش حاجة اسمها الانتنا تفصل وسط مانت شغال حتي لو فصل لثواني. "الوايفاي مش بيفصل حرفيا".
5. بيجي معاه اتنين ريموت و الاكس ماكس فيه ريموت بلوتوث.
وكمان فيه شاشة داخلية وزراير تنقل القنوات جوة الجهاز ودي مش موجودة في اغلب الاجهزة الميني
6. صوتيات مصدر اورانج ممتازة جداا والفرق بتاعها قليل.
7. الجهاز بيفتح بسرعة رهيبة عكس اجهزة الصن بلس والتنقل بين القوايم سريع وترتيب القنوات سريع مفيهوش مشاكل.
8. الاكستريم دلوقتي بيقسم وبيشيل محتوي كامل بدون مشاكل.
9. ip to sat شغالة بشكل جميل ومش بتهنج ولكن طبعا اخرها شهر لانها مرتبطة بالابولو
10. ميزة في الاكس انه معاك اورانج iptv لمدة 30 شهر ودي مدة رهيبة جداا والي هيجيب الجهاز ده هينسي تجديد الايبي لمدة طويلة.
11. الترجمة الفورية علي الاقمار التانية يعتمد عليها جدااا عكس الي موجودة في الصن بلس.
ثانيا. العيوب :
الابولو كمحتوي سيرفر فعليا هو ضايع وملوش اي علاقة بالمحتوي المصري. فالافضل ليك تخليك في اورانج iptv.
التنقل بين تطبيقات iptv مش افضل حاجة ومش سريع زي اجهزة الفانيلا .
صوتيات مصدر الفوريفر ضايعة ومقرفة ورخمة والاعتماد علي مصدر اورانج بس عشان تريح دماغك.
حاول تتعامل مع الجهاز ده كأنه جهاز صن بلص 1 جيجا رام واعتبر معاك 15 ثانية بس تايم شيفت لانه صعب توصل لاكتر من كدة عليه ومشكلة بولسات مستمرة وحلها طبعا في مصدر الاورانج الي بيكون 8 ثواني وبيحللك المشكلة.
5. تجديد الفوريفر غالي جدا الصراحة عكس الفونيكس والسيسيكام مثلا.
في النهاية دي كل المميزات والعيوب الي شوفتها في الجهاز بكل امانة وربنا يعلم اني كتبت كل حاجة مهما كانت تافهة عشان يبقي الي بيشتري يبقي عارف هو هيلاقي اي.
وحط في اعتبارك دايما مهما جبت اجهزة لازم هتلاقي عيوب ولكن في عيوب تستحملها وعيوب هتقرفك والجهازين دول عيوبهم انا شايفها عبيطة ورغم كدة كتبتها. اجهزة بي ان الرسمية مثلا فيها مشاكل ملهاش اخر ومش بتتحل حتي.
لو وصلت لهنا فكويس انك استحملتني ولو عندك سؤال في الجهاز سيبه وهحاول اساعدك
تعليقات
إرسال تعليق
لو عايز اي طلب أكتب لنا تعليق